თბილისისა და ბათუმის ურბანული განვითარების საკითხებით დაინტერესებულ ჟურნალისტებს “მწვანე ალტერნატივა” გიწვევთ სამუშაო შეხვედრაზე მონაწილეობის მისაღებად.
თარიღი: 9-11 თებერვალი | ადგილი: თბილისი
სამუშაო შეხვედრის ფარგლებში ჟურნალისტები მიიღებენ ინფორმაციას მდგრადი ურბანული განვითარების ძირითადი პრინციპების და
საქართველოს დაგეგმვა-დაგეგმარების სისტემის შესახებ. განიხილავენ თბილისისა და ბათუმის გეგმარებასთან დაკავშირებულ გამოწვევებს, თბილისისა და ბათუმის გენგეგმის პრინციპებს, გენგეგმის აღსრულებასთან დაკავშირებულ გამოწვევებს. გარდა ამისა, სამუშაო შეხვედრაზე განხილული იქნება საქართველოს კლიმატის ცვლილებასთან დაკავშირებული გეგმები, ქალაქების კლიმატის ცვლილებასთან ადაპტაციისა და მიტიგაციის პრაქტიკა, საერთაშორისო საფინანსო ინსიტუტებისა და მათი ინვესტიციების როლი ურბანულ პროექტებში და სხვა საკითხები.
მონაწილეობის მსურველებმა, გთხოვთ, 2023 წლის 1 თებერვლის ჩათვლით!
შერჩეულ მონაწილეებს დავუკავშირდებით!
*ბათუმიდან მონაწილეთა ტრანსპორტირების, სასტუმროში განთავსებისა და კვების ხარჯებს თბილისში დაფარავს ორგანიზატორი მხარე. დამატებითი კითხვების არსებობის შემთხვევაში მოგვმართეთ შემდეგი ელფოსტის მისამართზე: greenaltorg@gmail.com.
სამუშაო შეხვედრა, პროექტის „სამოქალაქო სექტორის გაძლიერება კლიმატის ეროვნული პოლიტიკის განხორციელებაში“ (”Stregthening Civil Society in the Implementation of National Climate Policy”) ფარგლებში ჩატარდება. პროექტის განხორციელება შესაძლებელი გახდა გერმანიის ფედერალური მთავრობის კლიმატის საერთაშორისო ინიციატივის (International Climate Initiative) ფინანსური მხარდაჭერით.
*ინფორმაცია პირადი მონაცემების გამოყენების შესახებ: „მწვანე ალტერნატივა“ თქვენ მიერ მითითებულ პირად ინფორმაციას გამოიყენებს მხოლოდ აღნიშნული პროექტის განხორციელების მიზნით