Question

БАЧАННЕ БЕЛАРУСІ 2050

Экстрэмальная змена клімата, няроўнасць, войны, расізм, бедната, голад, вычарпанне прыродных рэсурсаў, забруджванне навакольнага асяроддзя, праблемы энэргетычнай бяспекі, ўзрост аўтарытарных тэндэнцый, крызіс дэмакратыі і дэмаграфічны крызіс – ўсе гэтыя праблемы стаяць перад чалавецтвам, не зважаючы ўвагі на дзяржаўныя межы.

Зараз няма краіны, якая пераадолела ўсе гэтыя праблемы аднаасобна, ці якая аказался б ў баку ад іх і не адчувала бы іх ўплыў – гэта проста немагчыма.

Але мы бачым, што гэтыя праблемы можна пераадолець прынцыпова, а больш справядлівы свет магчымы. Гэта будзе краіна, ў якой ўсе рашэнні прымаюцца зыходзячы з экалагічнай мудрасці і пабудаваная на прынцыпах верхавенства права, сацыяльнай справядлівасці, дэмакратыі, празрыстасці і ўзаемадзеяння з грамадствам, сяброўства з навакольным асяроддзем, кліматычнай нейтральнасці і адаптацыі, міжнародным супрацоўніцтвам, ўстойлівасці і цыркулярнасці. Мы ўпэўнены ў магчымасці пабудаваць Зяленую Беларусь, як частку агульнага свету, заснаванага на гэтых прынцыпах.

ПАДРАБЯЗНЕЙ

Зяленая Беларусь будзе тым месцам дзе цэняць культурную, этнічную, расавую, сэксуальную, рэлігіозную і духоўную разнастайнасць і спрыяюць развіццю адносін з павагай да ўсіх людзей. Яна магчыма як краіна, адкрытая для новых ідэй і людзей.

Так як гарады становяцца цэнтрамі развіцця розных сфер жыцця людзей, то у будучым будзе павялічвацца іх роля, насельніцтва і уплыў на навакольнае асяроддзе. Гарады Зяленай Беларусі будуць спажываць ресурсы і развівацца так, каб не ствараць шкодных выкідаў. Акрамя таго, гарады будуць забяспечвацца ўласнымі рэсурсамі наколькі гэта магчыма.

Прамысловыя раёны не будуць мець горшыя ўмовы жыцця, чым офісная ці спальная часткі гарадоў. Грамадскі транспарт стане экалагічным, танным і зручным для карыстання, ён стане асноўным сродкам перамяшчэння па горадзе, што дазволіць выкарыстоўваць значныя плошчы, занятыя ранней паркоўкамі і дарогамі для азелянення і стварэння зон рэкрэацыі.

Разам з тым, ў Зяленай Беларусі любое месца будзе зручнае для пражывання. Гэта значыць, што і ў вёсках, і ў малых гарадах будуць існаваць ўсе умовы для доступу да высокапрыбытковай і рознакваліфікаванай працы, мабільнага, актыўнага жыцця, забеспячэння высокіх сацыяльных стандартаў медыцыны, адукацыі і культуры.

Тэрыторыя па-за межамі населеных пунктаў будзе выкарыстоўвацца найлепшым з пункту гледжання вышэй азначаных прынцыпаў, чынам. Асабліва ахоўваемыя прыродныя тэрыторыі будуць займаць значную частку тэрыторіі краіны і ахопліваць ўсе ўнікальныя экасістэмы, што забяспечыць захаванне біялагічнай і ландшафтнай разнастайнасці. Пры гэтым яны будуць даступныя для адпачынку і турызму, што дазволіць такім тэрыторыям стаць месцамі эканамічнага і культурнага развіцця. Выкарыстанне тэрыторый для вядзення гаспадарчай дзейнасці будзе скіравана на ўстойлівасць і мінімізацыю ўплыву на натуральныя працэсы. Вытворчасць і перапрацоўка сельскагаспадарчых прадуктаў будзе асноўвацца на працэсах, выключаючых забруджванне прадуктаў харчавання і негатыўны ўплыў на здароўе.

Будуць створаны ўмовы для актыўнага ўдзелу грамадзян у прыняцці сацыяльна-эканамічнах і экалагічных рашэнняў, а таксама ў планаванні гарадоў і тэрыторый; мясцовыя рэсурсы перайдуць пад кіраванне мясцовых ўладаў і будуць размяркоўвацца пры ўдзеле грамадзян і грамадскіх арганізацый. Гэта таксама будзе стымуляваць стварэнне гарызантальных сувязяў паміж суполкамі і арганізоўваць ініцыятывы па вырашэнню лакальных і рэгіянальных праблем.

Зяленая Беларусь будзе краінай, ў якой ва ўсіх жыхароў ёсць адукацыя, неабходныя кампетэнцыі і доступ да рэсурсаў не толькі для атрымання дастойнай аплаты і ўмоў працы, але і для ўдзелу ў жыцці грамадства і разумення важнасці свайго ўдзелу.

Вырашэнне вялікай колькасці пытанняў на мясцовым ўзроўні патрабуе актыўнага ўдзелу мысцовага насельніцтва ў прыняцці рашэнняў. Для адказнага прыняцця рашэнняў неабходны высокі ўзровень адукацыі насельніцтва, асабліва ў частцы экалагічнай і кліматычнай адукацыі.

Шырока паспаўсюджаная практыка самакіравання і ўдзел ў прыняцці рашэнняў на лакальным ўзроўні будзе ствараць магчымасць для самаразвіцця і самарэалізацыі, ў тым ліку ў выглядзе сацыяльнага ліфта і палітычнага ўдзелу ў развіцці краіну ўжо на рэспубліканскім ўзроўні. Такая рэалізацыя магчыма толькі пры надзейнай і празрыстай працы дэмакратычных інстытутаў.

ПРЫНЦЫПЫ

Экалагічная мудрасць

Дзейнічаць з павагай да прыроды і прымаць рашэнні, якія садзейнічаюць доўгатэрміновай устойлівасці планеты, захаванню біяразнастайнасці і цэласнасці экасістэм, дабрабыту будучых пакаленняў.

Устойлівасць

Імкнуцца да максімальнай энерга- і рэсурсаэфектыўнасці, эканомікі замкнёнага цыклу, кліматычна нейтральных гарадоў і вытворчасцей, адаптавацца да змены клімату, выкарыстоўваць “зялёныя” тэхналогіі.

Сацыяльная справядлівасць

Пераходзіць да больш устойлівай і экалагічна адказнай эканомікі такім чынам, каб улічваць і абараняць інтарэсы ўсіх чальцоў грамадства, асабліва тых, што могуць быць найбольш уразлівымі перад зменамі.

Справядліва падыходзіць да выкарыстання і размеркавання грамадскіх і прыродных рэсурсаў.

Дэмакратыя

Забяспечваць верхавенства права, максімальны ўдзел у прыняцці рашэнняў тых, каго яны закранаюць, празрыстасць і падкантрольнасць улады.

Міжнароднае супрацоўніцтва

Прытрымлівацца прынцыпу “думаць глабальна, дзейнічаць лакальна”, разглядаць Беларусь як частку рэгіянальных і сусветных працэсаў, развіваць добрасуседства і міжнароднае ўзаемадзеянне для дасягнення агульных мэт.