📢 ✊ თუ გაწუხებს კლიმატის კრიზისი, გაინტერესებს კლიმატის, გარემოსდაცვითი და სოციალური სამართლიანობის პრინციპები, და მზად ხარ თანამოაზრეებთან ერთად იმოქმედო - მაშინ, ეს შესაძლებლობა შენთვისაა!
მწვანე ალტერნატივა ახორციელებს პროექტს, რომელიც ეხება სამოქალაქო სექტორის, მათ შორის ახალგაზრდების ჩართულობის გაძლიერებას კლიმატის ეროვნული პოლიტიკის შემუშავების პროცესში. ახალგაზრდული ფორუმი ხელს შეუწყობს ახალგაზრდების ხმის გაძლიერებას კლიმატის ცვლილებასთან დაკავშირებით მიმდინარე ეროვნულ პოლიტიკურ პროცესებში, ასევე ახალგაზრდების ხედვების ჩამოყალიბებას ქვეყანაში კლიმატის სამართლიანობისთვის განსახორციელებელ ქმედებებსა და პოლიტიკაზე. ფორუმი მოიცავს ახალგაზრდებთან 5 თვის განმავლობაში თანამშრომლობასა და ცოდნის გაზიარების ისეთ აქტივობებს, როგორებიცაა შეხვედრები ინტერდისციპლინური ექსპერტული ცოდნის გაზიარებისთვის, საველე გასვლა, პრაქტიკული სამუშაოები და სამოქმედო გეგმის შედგენა, სხვადასხვა სამოქალაქო აქტივისტთან დაკავშირება და სხვა.
🌈 👐 თვეში ჩატარდება 2-3 შეხვედრა, თბილისში და საჭიროების შემთხვევაში უზრუნველყოფილი იქნება შეხვედრების ჰიბრიდული ფორმატიც. აქტივობები მორგებული იქნება ახალგაზრდების ინტერესებსა და საჭიროებებს. ფორუმი დაიწყება ოქტომბრის ბოლოს.
🌿🌻 თუ ხარ 18-29 წლის, გაქვს სურვილი, რომ აქტიურად იყო ჩართული ფორუმის აქტივობებში და კლიმატის ცვლილების ეროვნული პოლიტიკის შემუშავების პროცესში ახალგაზრდების ხმის გაძლიერებაში, შეავსე სააპლიკაციო ფორმა 11 ოქტომბრამდე!